မုဿ္ယဲၯဖဲဒီးစီၯလဿ္အိဢ္ဖ်ဲဢ္ထီဢ္အဂ့ဿ္ (နီဿ္မုဿ္ယဲၯဖဲအပူ - ၃)

ဘဢ္တဟါ ဖဲစီၯသီမၯ မံနီၯဆိကမိဢ္တဿ္ဘဢ္ဃးအမါနီဿ္ႏြဲၯအံၯ အိဢ္ထီဢ္အဟုးအသး အလါဘဢ္ထီဢ္လံအဃိ၊ အ၀ဲကဘဢ္အိဢ္ကတဲာ္ကတီၯပာ္စဿၯအသးလဿ အဖိဆံးအဂီဿ္န႔ဢ္လီၯ. ဖဲအ၀ဲမံနီၯဆိကမိဢ္တဿ္အခါ လဿတဿ္တပာ္သးဘဢ္အပူၯ ဖဲမုဿ္ခံးလီၯအဆဿကတီဿ္ နီဿ္ႏြဲၯအံၯ အဟဿဖဿဆါထီဢ္၀ဲဒဢ္န႔ဢ္လီၯ. တဘ်ီဃီစီၯသီမၯအံၯလဲၯဃ့ဿ္ဃီၯ၀ဲဆူ အမါနီဿ္ႏြဲၯအအိဢ္ ဃုာ္ဒီးအမံၯပွဿ္ပိာ္မုဢ္ခ့်သဒံးန႔ဢ္လီၯ.
ဒိ၀ဲလဿထါဒီးစံး၀ဲ -
စီၯသီမၯဆိမိဢ္တဿ္အါ
အမါနီဿ္ႏြဲၯအဟုးဆါ
စီၯသီမၯဆိမိဢ္တဿ္ဘ်ဲး
အမါနီဿ္ႏြဲၯအိဢ္ဖ်ဲဢ္၀ဲ.

နီဿ္ႏြဲၯအဟုးဆါထီဢ္တတီၯဒိဢ္ဒိဢ္ဒီး ဖိသဢ္အိဢ္ဖ်ဲဢ္လီၯ၀ဲဒဢ္န႔ဢ္လီၯ. ဖိသဢ္အံၯအတဿ္အိဢ္ဖ်ဲဢ္ မ့ဿ္မးတဿ္လီၯဆီဒိဢ္မး လဿဟံဢ္ဖိဃီဖိဒီး ပွၯလဿအဃဿၯတဖဢ္အဂီဿ္န႔ဢ္လီၯ. ဖဲဖိသဢ္အံၯအိဢ္ ဖ်ဲဢ္လီၯအခါ သတူဿ္ကလာ္တဿ္ဟဲကျပဳဿ္ထီဢ္ဖးဒိဢ္လဿဟံဢ္ပူၯ လီၯဂာ္ဒ္မုဿ္ဆါခီ အသိး ကပီၯ ၾတဿဿ္ကလာ္န႔ဢ္လီၯ. တဿ္ကပီၯအံၯသြဲအဘ့ဢ္သဿဆံ လဿပွၯဒါလီၯလဿဟံဢ္ပူၯတဖဢ္ အိဢ္ဖ်ါ တဘ့ဢ္ဃီခဲလဿာ္န႔ဢ္လီၯ.

စီၯသီမၯထံဢ္၀ဲဒဢ္လဿအမါအံၯ အိဢ္ထီဢ္အဟုးအသးလီၯဆီ ဒီးအိဢ္ဖ်ဲဢ္လီၯစ့ဿ္ကီးလီၯဆီ၀ဲ စ့ဿ္ကီးအဃိ၊ သ့ဢ္ညါ၀ဲဒဢ္လဿအဖိမုဢ္အံၯ မ့ဿ္၀ဲတဿ္သူတဿ္ပွိၯအဖိန႔ဢ္လီၯ. စီၯသီမၯထံဢ္၀ဲ လဿအဖိမုဢ္အံၯအိဢ္ဖ်ဲဢ္လီၯ၀ံၯ ကပီၯထီတီဿ္ဒီတဂၯညါအဃိ၊ ကြဿ္၀ဲဘဢ္အမဲာ္တမုာ္အါအါဘဢ္. အ၀ဲဟံးန႔ဿ္၀ဲ ယဢ္၀ါဖိတဘ့ဢ္ ဒိးဘိဢ္ဘဿ၀ဲအဖိမုဢ္အံၯန႔ဢ္လီၯ. ဘိဢ္ဘဿ၀ဲဒီးယဢ္၀ါ ဒီဘ့ဢ္ညါ ဘဢ္ဆဢ္ အတဿ္ကပီၯအံၯ တလီၯဘဿဒံးဘဢ္ ဟံးန႔ဿ္၀ဲယဢ္၀ါဖိပွဲၯထီဢ္ ႏြံဘ့ဢ္ဒီးဘိဢ္ထီဢ္ဖိသဢ္ အံၯ လဿယဢ္၀ါႏြံကၾထဿနာ္က့ အတဿ္ကပီၯအံၯလီၯဘဿ၀ဲတန႔ဿ္ဒံးဘဢ္န႔ဢ္လီၯ.
ဒိ၀ဲလဿထါဒီးစံး၀ဲ -
အိဢ္ဖ်ဲဢ္ထီဢ္လီၯတိဿ္လီၯဆီ
သြဲသဿဆံဖ်ါတဘ့ဢ္ဃီ
ဘိဢ္လဿယဢ္၀ါႏြံကၾထဿ
ဆဲးကျပဳဿ္ဖ်ါတလီၯဘဿ

ဒ္ပွၯကစဿဿ္ခိဢ္ဖိအလုဿ္အလဿ္အိဢ္၀ဲဒဢ္အသိး ဖိသဢ္လဿအိဢ္ဖ်ဲဢ္လီၯ၀ံၯ အဒ့လဿအပဢ္ထြဲ တဖဢ္ ထဿႏုာ္၀ဲဒဢ္လဿပီၯအပူၯဒီး လဲၯဘံဃာ္၀ဲဒဢ္လဿသ့ဢ္အကပၯန႔ဢ္လီၯ. တုၯမုဿ္ဆ့ဢ္ ၀ါထီဢ္ဒီး စီၯသီမၯ ဟံးထီဢ္အဖိအဒ့ပီၯ ဒီးမၯ၀ဲဒ္အမၯတ့ဿ္၀ဲလဿအပူၯကြံာ္အသိးန႔ဢ္လီၯ. 
ဖိသဢ္အံၯအိဢ္ဖ်ဲဢ္လီၯသဿလါပွဲၯထီဢ္ဒီး စီၯသီမၯသံကြဿ္အမံၯပွဿ္လဿ မ့ဿ္နကကိးန႔ဿ္နလံၯ မုဢ္တဂၯအံၯ အမံၯဒ္လဲဢ္န႔ဢ္လီၯ. စီၯသီမၯအမံၯပွဿ္စံးဆဿအီၯဒီးစံး၀ဲဒဢ္ ပွၯတဂၯအံၯ ဟဲအိဢ္ ဖ်ဲဢ္ထီဢ္လီၯလိဿ္လီၯလး ဟဲအိဢ္ဖ်ဲဢ္လီၯဖ်ါကျပဳဿ္ကျပီၯ လီၯဂာ္ဒ္မုဿ္ဟဲထီဢ္အယဲၯဆဲးကျပဳဿ္ အဃိ၊ ယကကိးန႔ဿ္အမံၯလဿမုဿ္ယဲၯဖဲန႔ဢ္လီၯ. စီၯသီမၯတခီတဲ၀ဲဒဢ္လဿ ယဖိတဂၯအံၯလီၯ ဆီန႔ဿ္ပွၯဂၯအဃိ ကဟဲ၀ံဒီးက်ိဢ္ဧိၯစ့ဧိၯန႔ဢ္လီၯ. လဿတဿ္န႔ဢ္အဃိ ယကယုဿ္န႔ဿ္အမံၯလဿ စ့တိာ္လီၯဖီ န႔ဢ္လီၯ. 

အခီပညီ၊ ပွၯလဿအအဲဢ္အီၯတဂၯန႔ဢ္ ကဘဢ္ဟဲတိာ္လီၯက်ိဢ္ တိာ္လီၯစ့ န႔ဢ္လီၯ. မုဿ္ယဲၯဖဲအံၯအမံၯအိဢ္၀ဲခံယုဿ္ အဖံကိးန႔ဿ္အီၯတယုဿ္ ဒီးအပဿ္ကိးန႔ဿ္အီၯတယုဿ္ န႔ဢ္လီၯ. ဖိသဢ္အံၯ ဖဲအမိဿ္ဒုးအီႏုဿ္ဒီး ယူဿ္လီၯအမိဿ္ႏုဿ္ထံအခါ အကိာ္ယူဿ္အံၯ ကၾတ့ဢ္အသး ဒ္လီ၀ဿ္အဒံးအသိး ဒီးဖဲအဟီဢ္အကတီဿ္ အနဿ္တကၯထံးဖ်ါကၾတ့ဢ္ကၾတိဢ္၊ မ့၀ံဿ္ထီဢ္၀ံဿ္လီၯ အစုအခီဢ္အခါမ့ဿ္ဂ့ၯ အစုခ်ံးခီဢ္ခ်ံးတဖဢ္စ့ဿ္ကီး အိဢ္ဖ်ါမးကၾတ့ဢ္ကၾတိဢ္န႔ဢ္လီၯ. ဖဲမုဿ္ဆါခီ အဖံမၯမံအီၯလဿစုာ္ပူၯအဆဿကတီဿ္ ကြဿ္၀ဲအလံၯမုဢ္အံၯ အိဢ္ဖ်ါကၾတ့ဢ္ကၾတိဢ္ ဘဢ္အီၯဒီး ကြဿ္၀ဲလီၯအဲဢ္ဘဢ္အီၯဒိဢ္မးအဃိ၊ ကြဿ္၀ဲတဘ်ဲလဿၯနီတဘ်ီဘဢ္န႔ဢ္လီၯ.
 
ဒိ၀ဲလဿထါဒီးစံး၀ဲ -
တဿ္ကပီၯက်ံးကပီၯက်ဴး
မုဿ္ယဲၯဖဲမံလဿစုာ္ပူၯ.
ဖိအိဢ္ဖ်ဲဢ္လီၯတိဿ္လီၯဆီ
ယုဿ္အမံၯစ့တိာ္လီၯဖီ
ဆဲးကျပဳဿ္ဖ်ါဒ္တဿဿ္ကြဲၯ
ယုဿ္အမံၯလဿမုဿ္ယဲၯဖဲ.
အိဢ္ဖ်ဲဢ္လဿဖ်းခိဢ္အဒီ
ဆဲးကျပဳဿ္တုၯလဿဖွးဂီၯ.

မုဿ္ယဲၯဖဲအံၯ ဖဲအမိဿ္ဒုးလုဿ္အီၯထံလဿ အကံဢ္ဒုဢ္ဒိဢ္တဘ်ီလဿ္လဿ္ အိဢ္ဖ်ါထီဢ္ဒ္ လီ၀ဿ္အဒံး အသိး လဿအမိဿ္အခီဢ္လိၯန႔ဢ္လီၯ.
ဒိ၀ဲလဿထါဒီးစံး၀ဲ -
ဒုးလုဿ္ထံလဿမိဿ္ခီဢ္တီၯ
ကပီၯတုၯယိၯကီဿ္တခီ
ဒုးလုဿ္ထံလဿမိဿ္ခီဢ္ထံး
ကပီၯတုၯယိၯအလီဿ္မံ.

မုဿ္ယဲၯဖဲအံၯဒိဢ္ထီဢ္တစဲးဘဢ္တစဲး ဒီးတဿ္ကပီၯလဿအအိဢ္လဿအလိၯတဖဢ္န႔ဢ္ ကပီၯလီၯစွၯ ကြံာ္၀ဲဒဢ္ တစဲးတစဲးန႔ဢ္လီၯ. မ့မ့ဿ္တဿ္ကပီၯ ဖဲအကိာ္ယူဿ္ဘိတခါန႔ဢ္ ကပီၯတလီၯစွၯ၀ဲဘဢ္ န႔ဢ္လီၯ. ဖဲအယူဿ္လီၯတဿ္တမံၯလဿ္လဿ္န႔ဢ္ ကပီၯထီဢ္ဒဢ္ဖးဒိဢ္န႔ဢ္လီၯ. မုဿ္ယဲၯဖဲအံၯ ဖဲအဟး သ့ထီဢ္အဆဿကတီဿ္န႔ဢ္ အမိဿ္နီဿ္ႏြဲၯအံၯ အိဢ္ဖ်ဲဢ္န႔ဿ္ကဒီး မုဿ္ယဲၯဖဲအဒ့မုဢ္တဂၯန႔ဢ္လီၯ. မုဿ္ယဲၯဖဲအဒ့မုဢ္သဒါအံၯန႔ဢ္ အမိဿ္ယုဿ္န႔ဿ္အမံၯလဿနီဿ္ပဢ္လူၯန႔ဢ္လီၯ.

တဿ္စံး၀ဲဒဢ္လဿ နီဿ္ပဢ္လူၯတဂၯအံၯန႔ဢ္ ဂ့ၯန႔ဿ္မုဿ္ယဲၯဖဲ ဖးဒိဢ္ညါဘဢ္ဆဢ္၊ မ့မ့ဿ္အတဿ္လီၯဆီ တခီ တအိဢ္ဒ္သိးမုဿ္ယဲၯဖဲအံၯဘဢ္န႔ဢ္လီၯ. မုဿ္ယဲၯဖဲအံၯ တုၯအဒိဢ္ထီဢ္ဃ့ဿ္သ့ဟးသ့ဒီး လဲၯ ဟးပိာ္၀ဲဒဢ္အ၀ဲဿ္တဖဢ္အခံလဿ ဖဲဢ္လဲၯလိဢ္က်ိ ဒီးက၀ဲၯအီဢ္ ဒ့ဢ္ဖိညဢ္ဖိ လုဿ္ထံလုဿ္နိဖဲ န႔ဢ္လီၯ.
ဒိ၀ဲလဿထါဒီးစံး၀ဲ -
လီၯသ့စုဖဲဢ္လဲၯကြံသး
ဒ္တညဢ္ထံကြံပူၯလါ.
လီၯပ်ဿ္မဲာ္ဖဲဢ္လဲၯကြံပူၯ
ဒ္တညဢ္ထံကြံပူၯသူ.
လီၯလုဿ္ထံလဿဖဲဢ္လဲၯက်ိ
အဃံဢ္ဒုယြၯထံဒီက်ိ.
လီၯဆႈဢ္တဿ္လဿဖဲဢ္လဲၯကြံ
အဃံဢ္ဒုတုၯကနံဢ္အံၯ.

ထံက်ိဖဲဢ္လဲၯက်ိ အံၯမ့ဿ္ဒဢ္ထံက်ိဆံးဆံးဖိဘဢ္ဆဢ္ ထံမ့ဿ္ဂ့ၯ၊ လဿဿ္မ့ဿ္ဂ့ၯ အိဢ္ဖ်ါ လီၯဆီန႔ဿ္ ဒံးထံဖိက်ိ အဂၯတဖဢ္ တုၯခဲကနံဢ္အံၯ ခီဖ်ိ မုဿ္ယဲၯဖဲဟဲလီၯ လုဿ္ထံအဆိကတဿဿ္ ဖဲအဟးသ့ ထီဢ္အကတီဿ္န႔ဢ္လီၯ. ပွၯလဿအလဲၯထံဢ္ဘဢ္၀ဲတဂၯလဿ္လဿ္န႔ဢ္ ကသ့ဢ္ညါဘဢ္၀ဲဒဢ္ ဒ္န႔ဢ္ လီၯ. မုဿ္ယဲၯဖဲအံၯ မုဢ္ကနီၯလိဢ္ဘိထီဢ္လံဘဢ္ဆဢ္ အမိဿ္တမဿအဟးယံၯယံၯဘဢ္ အမိဿ္မဿ ဒဢ္အိဢ္လဿဟံဢ္ ဖီအီဢ္တ့ၯအီဢ္ ကြဿ္ထိးကြဿ္ဆီ ဒီးကတဲာ္ကတီၯ တဿ္လဿဟံဢ္ပူၯဃီပူၯန႔ဢ္လီၯ. 

အမိဿ္ဘဢ္ယိဢ္၀ဲဒဢ္လဿ အဖိမုဢ္တဂၯအံၯလီၯဆီဒိဢ္မးအဃိ၊ ပွၯမ့ဿ္ထံဢ္ဘဢ္အီၯအါအါန႔ဢ္ ပွၯကဟးတဲဟူတဲသါ ဘဢ္ဖုးလဿတဿ္လီဿ္အယံၯ ယံာ္ယံာ္ကကဲထီဢ္ဘဢ္ဖုး တဿ္ကီတဿ္ခဲလဿ အဂီဿ္န႔ဢ္လီၯ. မုဿ္ယဲၯဖဲအံၯ မုဢ္ကနီၯထီဢ္ဒီး အပဿ္စီၯသီမၯအံၯ သးပွဿ္ဒီးသံ၀ဲဒဢ္န႔ဢ္လီၯ. မ့မ့ဿ္ အ၀ဲဿ္တဖဢ္ ဆီဟံဢ္ဆီဃီ ခဲလဿာ္လံအဃိ၊ အ၀ဲဘဢ္အိဢ္ဒဢ္ ဟံဢ္တဖ်ဿဢ္ သဿဂၯဒီးအမိဿ္ ဃုာ္ဒီး အဒ့မုဢ္သဒါန႔ဢ္လီၯ. မုဿ္ယဲၯဖဲအံၯအမိဿ္စ့ဿ္ကီးသးပွဿ္လံ ဖံးတဿ္မၯတဿ္စ့ဿ္ကီးတကဲ လဿၯဘဢ္အဃိ အ၀ဲဘဢ္မၯဒဢ္တဿ္ လဿဟံဢ္မ့ဿ္ဂ့ၯ၊ လဿခုးမ့ဿ္ဂ့ၯ တဂၯဃီန႔ဢ္လီၯ.

ခီဖ်ိလဿတဿ္မၯမုဿ္မၯ၀ဲၯ တဿ္ဖံးသကိးမၯသကိး လိာ္အသးအဃိ၊ ပွၯကိးဂၯဒဲး လဲၯတဿ္ဂီၯဂီၯ လဿခုးလဿသံဢ္န႔ဢ္လီၯ. တခ်ဳးဆီဖါအိဢ္အိဒံးဘဢ္န႔ဢ္ ပွၯမုဢ္ကနီၯ ဖိဢ္သဢ္ခြါဖိသ့ဢ္တဖဢ္ ဂဲၯဆဿထဿဢ္ ဆုအီဢ္ဖီအီဢ္ ဒီးဒြဲဢ္လီၯမဲာ္အူလဿ ဆဿဢ္ခီဢ္ထံးန႔ဢ္လီၯ. မ့မ့ဿ္မုဿ္ယဲၯဖဲတဂၯအံၯ န႔ဢ္ ဖဲအယီဿ္ဘုမ့ဿ္ဂ့ၯ၊ ဃၯက့ၯအဘုမ့ဿ္ဂ့ၯ၊ ၀ံဿ္ထီဢ္၀ံဿ္လီၯအစုဒီး အတံာ္လာ္ အံၯကပီၯ ဒ္လီ ၀ဿ္အဒံးအသိး မ်ဿ္မ်ဿ္တုၯဒဢ္လဲာ္ တလိဢ္လဿၯမ့ဢ္အူ ဘဢ္ဒီး ကြဿ္လီၯဆဿဢ္ပူၯဖ်ါ၀ဲဒဢ္န႔ဢ္လီၯ. ဖီအီဢ္တ့ၯအီဢ္၀ံၯ ဘိဢ္မ့ၯစွဿၯထံ ထဿႏုာ္၀ဲလဿအကုဖိအပူၯဒီး လဲၯ၀ဲဆူတဿ္ဖံးတဿ္မၯအလီဿ္ ဒ္ကစဿဿ္ ခိဢ္ဖိအလုဿ္အလဿ္ အိဢ္၀ဲဒဢ္အသိးန႔ဢ္လီၯ.

ဆဿကတီဿ္ဖဲနီဿ္ႏြဲၯအိဢ္ထီဢ္အဟုးအသးဒဿထီဢ္အဖိအခါ အတခြါမုဢ္လဿ အလဲၯဆွိးဃုာ္ဘဲဒီးအီၯတဂၯ စ့ဿ္ကီး ဒဿထီဢ္၀ဲဒဢ္န႔ဢ္လီၯ. နီဿ္ႏြဲၯအံၯ တုၯမ့ဿ္အိဢ္ဟုးအိဢ္သး အမုဿ္အလါဘဢ္ အိဢ္ဖ်ဲဢ္ထီဢ္အဖိမုဢ္ မုဿ္ယဲၯဖဲအံၯန႔ဢ္ အတခြါမုဢ္တဂၯ အိဢ္ဖ်ဲဢ္တ့ဿ္လံ၀ဲဒဢ္ အဖိခြါဖိတဂၯစ့ဿ္ကီးန႔ဢ္လီၯ. ဖိသဢ္ပိာ္ခြါအံၯ အိဢ္ဖ်ဲဢ္လီၯတဘ်ီဃီအခါ အမဲာ္သဢ္ခ်ံ တဖးအါအါဘဢ္၊ ခီဖ်ိအမဲာ္သဢ္ခ်ံ တဖးအါအါအဃိ၊ အဖံယုဿ္ န႔ဿ္အမံၯလဿတဃံၯမဲာ္န႔ဢ္လီၯ. မ့မ့ဿ္အဖုတဂၯ ကနဢ္၀ဲတမုာ္အဃိ ယုဿ္န႔ဿ္လီၯဆီ၀ဲဒဢ္လဿ စီၯသါ၀ီၯ န႔ဢ္လီၯ. မံၯအံၯ ပာ္၀ဲဒဢ္အခီပညီလဿ ကဘဢ္မ့ဿ္ပွၯလဿအအိဢ္ဒီး တဿ္န႔ဿ္သါလီၯဆီ ဒီးကဘဢ္ဟံးန႔ဿ္ ၀ီန႔ဿ္လီၯဆီ အသူးအသံဢ္၊ အတဿ္သ့တဿ္ဘဢ္ ဒ္အမ့ဿ္ပိာ္ခြါ စဲာ္နီၯတဂၯအသိးန႔ဢ္လီၯ. 

မ့မ့ဿ္အပဿ္ တဂၯတခီ စံး၀ဲဒဢ္လဿ သါကကိးန႔ဿ္စ့ဿ္ကီး သါဖိခြါအံၯအမံၯလီၯဆီ လဿသါကစဿ္တယုဿ္စ့ဿ္ကီး န႔ဢ္လီၯ. စီၯသီမၯအံၯ ကိး၀ဲဒဢ္အဖိခြါ အမံၯလဿ စီၯလဿ္ ဒီးပာ္၀ဲအခီပညီလဿ သါဖိခြါ အံၯ ဒိဢ္တဿ္ ကဘဢ္အိဢ္ဒီးအဒ့အလဢ္ လဿအက်ဿၯအမး အိဢ္ဒီးဒုဢ္ဒီးဒ့လဿ အဂ့ၯန႔ဿ္ဒံးပွၯအဂၯ ဒီးကဘဢ္မ့ဿ္ ပွၯလဿ ပွၯမုဿ္လဿ္ဆဿဢ္သဿအီၯသ့ ဒီးအိဢ္ဒီးတဿ္မုဿ္လဿ္ကြဿ္စိ လဿအလဲဿ္အထီ လဿပွဲၯဒီးတဿ္မၯ နဿၯ န႔ဢ္လီၯ. 

ဖိသဢ္ပိာ္ခြါအံၯ အမံၯအိဢ္၀ဲဒဢ္သဿယုဿ္ဘဢ္ဆဢ္ ပွၯကိးအီၯအါဒဢ္လဿ စီၯလဿ္ လဿအပဿ္ယုဿ္ န႔ဿ္အီၯတယုဿ္န႔ဢ္လီၯ. ဒ္ပွၯသးပွဿ္လဿညါ အိဢ္စ့ဿ္ကီးဒီးအလုဿ္အလဿ္ လဿတဿ္အီဢ္ဆံးန႔ဿ္လိာ္အဖိမုဢ္ ဖိခြါ ဖဲအနီဿ္ဆံးဒံးအခါအသိး စီဿ္လဿ္ဒီးမုဿ္ယဲၯဖဲ ဒီးတခြါခံဂၯအံၯ အမိဿ္အပဿ္အဖံအဖု ဘဢ္န႔ဿ္အသး အဃိ၊ အီဢ္ဆံးန႔ဿ္၀ဲဒဢ္ ဖဲအနီဿ္ဆံးဒံးအခါန႔ဢ္လီၯ. စီၯလဿ္အံၯ ဒိဢ္ထီဢ္ပွဲၯဒီးပိာ္ခြါအသးသဟီဢ္ အိဢ္ဒီး ဂံဿ္ဒီးဘါ၊ တဿ္သူဢ္ပ့ဿ္သးဆွါ လဿတဿ္ကိးမံၯဒဲးအပူၯန႔ဢ္လီၯ. အ၀ဲသ့ဢ္ခံဂၯ ဒိဢ္ထီဢ္ဘဢ္ဃုာ္ လဲၯသကိး က့ၯသကိး၊ ဖံးသကိးမၯသကိး အံးထြဲကြဿ္ထြဲလိာ္အသးဒီး အဲဢ္လိာ္ကြံလိာ္အသး ဂ့ၯဒိဢ္မးန႔ဢ္လီၯ. ဒ္ပွၯ ကစဿဿ္ခိဢ္ဖိတဖဢ္ အလုဿ္အလဿ္အိဢ္၀ဲဒဢ္အသိး ပွၯမုဢ္ကနီၯဖိ ဖိဢ္သဢ္ခြါဖိတဖဢ္ ဖဲအ၀ဲသ့ဢ္ ဒိဢ္ထီဢ္ ဘဢ္ဃုာ္ အိဢ္ဒီးတဿ္ရ့မူရ့သကိး ဘဢ္ဃး တဿ္ပီဆဿအီဢ္ပွဲၯအဆဿကတီဿ္န႔ဢ္ လဿတဿ္သးအိဢ္လိာ္သး ကဒဲကဒဲအဖီခိဢ္ တဂၯဒီးတဂၯ အိဢ္ဒီးတဿ္မၯလိဿ္မၯလဲ လိာ္အသးဘဢ္ဃး တဿ္တမံၯမံၯလဿအဒုးကဲ ထီဢ္၀ဲဒဢ္လဿ အကစဿ္သ့ဢ္တဖဢ္န႔ဢ္လီၯ. 

လဿတဿ္န႔ဢ္အဃိ၊ မုဿ္ယဲၯဖဲဒီးစီၯလဿ္ စ့ဿ္ကီးအဲဢ္လိာ္ကြံလိာ္ အသးဒီးဟ့ဢ္လိာ္စ့ဿ္ကီး အသးလဿတဿ္ဟ့ဢ္ ယုဿ္ဖိတဖဢ္ လဿအ၀ဲသ့ဢ္ဒုးအိဢ္ထီဢ္ ၀ဲဒဢ္လဿအနီဿ္ကစဿ္ ဒဢ္၀ဲန႔ဢ္လီၯ. စီၯလဿ္အံၯ ဒ္အမ့ဿ္ပိာ္ခြါတဂၯအသိး သူးဆွီဢ္ဘ်ဢ္ဆွါ ထ့ခိဢ္ဖ်ီဢ္၊ ထ့ဃ့ဿ္ထ့ကု ဒ္ပိာ္ခြါအ လုဿ္အလဿ္အသိး ဒီးဟ့ဢ္၀ဲဒဢ္မုဿ္ယဲၯဖဲ လဿတဿ္သူဢ္အိဢ္သးအိဢ္အပူၯန႔ဢ္လီၯ. မ့မ့ဿ္မုဿ္ယဲၯဖဲတခီ ဒ္ပိာ္မုဢ္အလုဿ္အလဿ္အသိး ယံၯလုဢ္လ့ဿ္ဘဲ၊ ဘုးလုဢ္ယၯထဢ္ဒီး ထါ၀ဲဒဢ္ထဿဢ္ဖိဆ့ဖိ ယဢ္ဖိ လဿအအိဢ္ဖ်ါလီၯအဲဢ္လီၯကြံတဖဢ္ ဒီးဟ့ဢ္ယုဿ္၀ဲဒဢ္အတခြါစီၯလဿ္ လဿအလဿပွဲၯဒီးတဿ္အဲဢ္တဿ္ကြံ နီဿ္နီဿ္န႔ဢ္လီၯ. မုဿ္ယဲၯဖဲအံၯ ဒိဢ္တဿ္မ့ဿ္တဿ္ဂ့ၯ ဒ္သိးအဒ့မုဢ္ဘဢ္ဆဢ္ ပွၯဖိဢ္သဢ္ခြါဖိတဖဢ္ အဲဢ္ဘဢ္ အီၯအိဢ္၀ဲဒဢ္စ့ဿ္ကီးန႔ဢ္လီၯ.

လဿအက်ါ ဖိဢ္သဢ္ခြါဖိလဿ အအဲဢ္ဘဢ္မုဿ္ယဲၯဖဲအံၯ တုၯဒဢ္လဲာ္ အိဢ္က့ၯ၀ဲတသ့လဿၯဘဢ္ န႔ဢ္အိဢ္ ၀ဲဒဢ္ခံဂၯန႔ဢ္လီၯ. ပွၯခံဂၯအံၯအမံၯမ့ဿ္၀ဲဒဢ္ စီၯခူဢ္သးဘီတဂၯ ဒီးစီၯခူဢ္ကယိဿ္တဂၯန႔ဢ္လီၯ. မုဿ္ယဲၯဖဲအံၯခီဖိ်အတဿ္အဲဢ္တီအိဢ္လံအဃိ တအဲဢ္လဿၯအ၀ဲသ့ဢ္ဘဢ္. မုဿ္ယဲၯဖဲမ့ဿ္တအဲဢ္အ၀ဲသ့ဢ္ ဘဢ္ဆဢ္ ရ့ဒဢ္အ၀ဲသ့ဢ္ဒီး ဖံးသကိးမၯသကိးဃုာ္ဒဢ္တဿ္ထီဘိန႔ဢ္လီၯ. ပွၯခံဂၯအံၯသ့ဢ္ညါ၀ဲဒဢ္လဿ မုဿ္ယဲၯဖဲမ့ဿ္ရ့အီၯဒီး တဲခီတဲယ့ၯတဿ္ဘဢ္ဆဢ္ ဒိးန႔ဿ္၀ဲမုဿ္ယဲၯဖဲအတဿ္အဲဢ္တသ့ဘဢ္အဃိ အသးတမုာ္ ဘဢ္ဒီးအ၀ဲသ့ဢ္ဟးပူၯကြံာ္အသး ဒီးဟးဃုဖံးဃုမၯတဿ္လဿတဿ္လီဿ္အယံၯန႔ဢ္လီၯ. မုဿ္ယဲၯဖဲအံၯ မုဢ္ကနီၯထီဢ္ဒိဢ္တုာ္ခိဢ္ပွဲၯလံအဃိ ဟးဖံးဟးမၯဒဢ္တဿ္ ကိးမုဿ္နံၯဒဲးန႔ဢ္လီၯ. ခီဖ်ိ တဿ္ဖံးသကိးမၯသ ကိးဒီး တဿ္ဖံးဒိဢ္မၯကဢ္လိာ္သးအဃိ မုဿ္ယဲၯဖဲအံၯ ဟးမၯဘဢ္တဿ္လဿသ၀ီ လဿအစီၯစုၯထီဢ္တစဲး ဒီး တဿ္လီဿ္လဿအယံၯထီဢ္တဖဢ္အဃိ၊ ပွၯထံဢ္ဘဢ္အီၯအါဂၯန႔ဢ္လီၯ. 

ပွၯအါဂၯလဿတဿ္လီဿ္အယံၯတဖဢ္ တုၯမ့ဿ္အထံဢ္ဘဢ္မုဿ္ယဲၯဖဲအံၯ ကြဿ္၀ဲအတဿ္လီၯဆီဘဢ္အီၯအဃိ အ၀ဲသ့ဢ္ဟးကီဢ္ကးသကိး၀ဲဒီး တဲသကိး၀ဲ ယံာ္ထီဢ္ ဟူယံၯထီဢ္ယံၯထီဢ္ဒီး ပွၯလဿအအိဢ္လဿတဿ္လီဿ္အယံၯ လဿအတထံဢ္ ဘဢ္၀ဲနီတဘ်ီတဖဢ္ မုဿ္လဿ္ ဒီးဆဿထံဢ္ဘဢ္၀ဲဒဢ္န႔ဢ္လီၯ. မ့မ့ဿ္မုဿ္ယဲၯဖဲအတခြါစီၯလဿ္တဂၯတခီ ပွၯတကီဢ္ကးဒီးဟးတဲသကိး၀ဲဒ္န႔ဢ္ဘဢ္. မ့ဿ္လဿအတဿ္လီၯဆီလဿအအိဢ္ဖ်ါလဿခိတဖဢ္ တအိဢ္ဘဢ္အဃိန႔ဢ္လီၯ. စီၯလဿ္အံၯအတဿ္အိဢ္ဖ်ါလဿခိ မ့ဿ္တအိဢ္ဖ်ါနီတမံၯဘဢ္ဆဢ္ တဿ္သ့တဿ္ဘဢ္လဿအဟဲအိဢ္ဖ်ဲဢ္ပဢ္ထြဲဃုာ္၀ဲတဖဢ္ အိဢ္လဿအကံဿ္ပူၯ ဘိပူၯလဿပွဲၯ၀ဲဒဢ္ဘဢ္ဆဢ္ ပွၯတသ့ဢ္ညါ၀ဲနီတဂၯဘဢ္န႔ဢ္လီၯ. မုဿ္ယဲၯဖဲအံၯ တုၯမ့ဿ္ပွၯတဲအဂ့ဿ္ဟူ ထီဢ္သါလီၯ ယံာ္ထီဢ္ယံၯထီဢ္ တကးဘဢ္ ခီဖ်ိလဿတဿ္ကူဢ္လဲၯမၯကၯအဃိ ပွၯထံလီဿ္ကီဿ္ပူၯ လဿအ အိဢ္ဆိးဘူးဖဲအံၯတဖဢ္ အိဢ္အါဂၯဒီးဟးဘဢ္တဿ္လီဿ္အယံၯအါတီၯ ဒီးထံကီဿ္အါဘ့ဢ္န႔ဢ္လီၯ. 

ပွၯလဿအအိဢ္ဖဲဟီဢ္က၀ီၯအပူၯဖဲအံၯတဖဢ္ တနီၯနဿ္ဟူဘဢ္မုဿ္ယဲၯဖဲအကစီဢ္ ဒီးတနီၯထံဢ္ ဘဢ္စ့ဿ္ကီး၀ဲဒဢ္အဃိ၊ အ၀ဲသ့ဢ္ဖဲအလဲၯအလီဿ္န႔ဢ္ တဲဘဢ္စ့ဿ္ကီး၀ဲဒဢ္ပွၯကလုာ္ဂၯ လဿမုဿ္ယဲၯဖဲအဂ့ဿ္အက်ိၯအံၯန႔ဢ္လီၯ. ခီဖ်ိတဿ္ကစီဢ္ဒ္အံၯတဖဢ္ ယံာ္ထီဢ္ဟူထီဢ္အါထီဢ္၀ဲဒဢ္ အဃိ၊ ဟူ၀ဲဒဢ္တုၯလဿယိၯစီၯပၯအနဿ္ပူၯန႔ဢ္လီၯ. မ့ဿ္လဿ တဿ္ဒ့ဢ္စဿၯယံၯ ဒီးတဿ္ကစီဢ္အံၯ တလီၯတံဿ္လီၯဆဲး ဒီးတထံဢ္ဘဢ္၀ဲလဿအမဲာ္ခ်ံအဃိ၊ စီၯပၯအံၯတနာ္၀ဲဒီး တပာ္သူဢ္ပာ္သး စ့ဿ္ကီး၀ဲဘဢ္န႔ဢ္လီၯ. ယိၯစီၯပၯအံၯဆိမိဢ္၀ဲဒဢ္လဿ ပွၯဟးတဲနါစိၯတဿ္ ဒီးနာ္၀ဲလဿ တဿ္ကတိၯ တဖဢ္အံၯ မ့ဿ္၀ဲဒဢ္ တဿ္ကတိၯနါစိၯတဿ္ကတိၯကလီကလီအဃိ၊ တပာ္ကဲ၀ဲဒီး တထဿႏုာ္၀ဲလဿ အသးကံဿ္ပူၯနီတစဲးဘဢ္န႔ဢ္လီၯ.