ဆဿဒီး သဘ်ဳဢ္အဂ့ဿ္

ပတဲတဿ္လဿပ်ဿၯ ပွၯဒီတခြါခံဂၯ လဿအမ့ဿ္စီၯတီလူး ဒီးနီဿ္ဒြဲဢ္န႔ဢ္ အမိဿ္အပဿ္ ခံခီလဿာ္ အဿဢ္လီၯ လိာ္အသးလဿ အဖိတခ်ဳးအိဢ္ဖ်ဲဢ္ ဒံးဘဢ္ တဂၯမ့မ့ဿ္ပိာ္ခြါ‚ တဂၯမ့မ့ဿ္ပိာ္မုဢ္ န႔ဢ္ ကမၯသံးမၯဖီ၀ဲဒီး တ့ဃုာ္ဖ်ီဃုာ္ ၀ဲလီၯ. တုၯဖိသဢ္ခံဂၯ အိဢ္ဖ်ဲဢ္ထီဢ္တစု‚ မ့ဿ္သပွဿ္တဿဿ္ မုဢ္တဂၯ‚ ခြါတဂၯ သတးဒီး သူဢ္လီၯ ပလိာ္သးလီၯဂာ္ အသး တုၯဒဢ္လဲာ္ ပွၯပာ္မံလီၯဖးအီၯ တန႔ဿ္ဘဢ္. ပွၯမ့ဿ္ပာ္မံ လီၯအီၯလဿ စုာ္တဖ်ဿဢ္ဃီ အပူၯမး မံ၀ဲန႔ဢ္လီၯ. တုၯအဒိဢ္ထီဢ္ဒီး သ့ဢ္ညါ အဲဢ္လိာ္ကြံလိာ္အသး တစဲးတစဲး စ့ဿ္ကီး ဒိဢ္ထီဢ္တဿ္အဲဢ္ အါထီဢ္ ဒီး ကဲသံးကဲဖီ ၀ဲဒဢ္လီၯ.

တခ်ဳးတ့ဃုာ္ဖ်ီဃုာ္ ဒံးဘဢ္န႔ဢ္ စီၯတီလူး ကဟးထီဢ္ဒံး လဿ ပကနံးတဿ္ကၯတဿ္ဆူ ထံယံၯကီဿ္ယံၯ အဂီဿ္လီၯ. တခ်ဳးလဲၯတဿ္န႔ဢ္ မၯလိာ္ပာ္၀ဲ နီဿ္ဒြဲဢ္လဿ အကလဲၯမၯကၯတဿ္ဒီး တဘဢ္သူဢ္တီသးဂ့ၯလဿ ပွၯဂုၯပွၯဂၯတဂ့ၯ‚ ယတဿ္ဖံးတဿ္မၯမ့ဿ္၀ံၯ ယကဟဲက့ၯဒီး အီဢ္မူးအီဢ္ပြဲဒီး တ့ဃုာ္ဖ်ီဃုာ္ပသးလီၯ.

တုၯႏုၯတစု စီၯတီလူး ဟးထီဢ္လဲၯတဿ္လီၯ. နီဿ္ဒြဲဢ္အိဢ္တ့ဿ္လဿ တဿ္မုဿ္လဿ္ ကြဿ္လဿ္အပူၯလီၯ. ဒီးဒ္အမ့ဿ္ ပွၯဒိဢ္ဘဢ္ဒုဢ္ဘဢ္ဒ့ မးတဂၯအသိး ပွၯပိာ္ခြါအါဂၯ ဟဲတလိဿ္အီၯ‚ ဟဲကတိၯဟးဂီၯအသးလဿ စီၯတီလူးမ့ဿ္ ပွၯဒ္အံၯဒ္ႏုၯ ဒီးခဲအံၯ ဟါမူၯဟါမဿ္လံဘဢ္ဆဢ္ နီဿ္ဒြဲဢ္ အသးက်ဿၯမူဆႈ တကဒံကဒါနီတစဲးဘဢ္. မ့မ့ဿ္ လဿခံကတဿဿ္ လဿတဿ္မၯဆူဢ္အီၯအဃိ‚ နီဿ္ဒြဲဢ္ဘဢ္ဖ်ီအသးဒီး ပွၯကီဿ္၀ဿ္ဘးခီ တဂၯလီၯ. ဖ်ီအသး၀ံၯ က့ၯပိာ္အ၀ၯအခံဆူ ကီဿ္၀ဿ္ခီလီၯ. က့ၯ၀ံၯတဘ်ဳးသီဒီး စီၯတီလူးဟဲက့ၯတုၯလဿ အတဿ္လဲၯတဿ္က့ၯအပူၯ လီၯ. စီၯတီလူး ဟဲက့ၯပဿဿ္ထီဢ္ဒီး ပွၯတဲအီၯလဿ နီဿ္ဒြဲဢ္ဖ်ီအသးလဿ ပွၯကီဿ္၀ဿ္ခီဒီး က့ၯပိာ္အ၀ၯအခံ အိဢ္တဘ်ဳးသီလံ. တန႔ဢ္တစု စီၯတီလူး တပာ္တ့ဿ္ဘဢ္. လူၯက့ၯနီဿ္ဒြဲဢ္လီၯ. လူၯ၀ဲလဿက်ဲ ထံဢ္ပွၯဒီမါ၀ၯ ခံဂၯ မံအလီဿ္ဒီးဖီမ့ၯဖီထံ‚ မၯမ့ၯတိဿ္မ့ၯစုဢ္ ဒီးမ့ၯတိဿ္ပံာ္အလီဿ္ ဒီး နီဿ္ဒြဲဢ္ပာ္တ့ဿ္န႔ဿ္အီၯဘဢ္ဆဢ္ အဖဢ္ဆါ အလီဿ္ခုဢ္ယုဿ္ကလာ္အဃိ‚ မုဿ္ဆ့ဢ္ထီဢ္ဘဢ္လူၯ၀ဲဒ္န႔ဢ္ တသီဘဢ္တသီလီၯ. ယံာ္ယံာ္ဒီး တဟါန႔ဢ္ ယီဿ္ကြဿ္ ဖဢ္ဆါ ဒီးမၯအသးလဿၯလဿၯအဃိ‚ မံတစိဿ္တလီဿ္၀ံၯ ဆဿထဿဢ္ဂီၯဂီၯဒီး လူၯ၀ဲသ့တနံၯက်ဿၯ တုၯမုဿ္ဟါ ထံဢ္ကဒီး တဿ္မံအလီဿ္တပူၯအံၯ မ့ဢ္အူအီဢ္ဒံးတစဲးဒီး သးခုလဿ တဘ်ီအံၯ ကခ်ဳးနီဿ္ဒြဲဢ္လီၯ. သတးဒီး တအိဢ္ဘွံးလဿၯဘဢ္ဒီး လူၯ၀ဲလဿာ္သး ဒ္သိး ကခ်ဳးန႔ဿ္အီၯ တခ်ဳးတုၯလဿ ပီဢ္လဲဢ္ဒံးဘဢ္န႔ဢ္လီၯ.

စီၯတီလူးလူၯသဘ်ိဢ္ဒီနၯညါ တုၯမုဿ္ကပီၯထီဢ္တစု တုၯလဿပီဢ္လဲဢ္ကဿဿ္ခိဢ္ဒီး ထံဢ္လဿ နီဿ္ဒြဲဢ္အကဘီ ဟးထီဢ္ တရံးအခိဢ္ဆူ ပီဢ္လဲဢ္ခဿဢ္သးတခီလံလီၯ. စီၯတီလူး ၀ဿ္ဃီၯနီဿ္ဒြဲဢ္ဒီး နီဿ္ဒြဲဢ္တခီ ၀ဿ္ဃီၯ စီၯတီ လူးလဿ တဿ္အဲဢ္ခံဂၯလဿာ္အပူၯ နာ္သက့ တဂၯမးမၯတသ့ဘဢ္. ကဘီလဲၯတဿ္ ယံၯထီဢ္ ယံၯထီဢ္ လဿခိ ဆူပီဢ္လဲဢ္ခဿဢ္သး တခီ ကြ႔ဿ္ကြ႔ဿ္ လီၯ.

စီၯတီလူး အိဢ္တ့ဿ္ဖဲ ကဘီသန႔ဒီး မၯတဿ္တဘ်ဳးလါ တုၯအန႔ဿ္ကဘီလဲ ဒိးထီဢ္ကဘီ လဲၯလူၯကဒီး နီဿ္ဒြဲဢ္ တသါလီၯ. တုၯအတုၯ ကီဿ္၀ဿ္ခီ ထံဢ္နီဿ္ဒြဲဢ္ ကြဿ္လီၯတဿ္လဿ တဿးဖးထီ တဖ်ဿဢ္အဖီခိဢ္ အဃိ မၯတသ့ ကဒီးဘဢ္ သတးဒီး ကက့ၯကဒါက့ၯ လီၯ. မ့မ့ဿ္တခ်ဳး က့ၯဒံးဘဢ္ဒီး မၯလိာ္နီဿ္ဒြဲဢ္ဒ္အံၯ‚ ႃႃခဲအံၯ နပိာ္ယခံ တသ့လဿၯဘဢ္ သနာ္က့ လဿခံလဿလာ္ နမ့ဿ္နဿ္ဟူဘဢ္ ထိဢ္တလ့ ဟဲပွ႔ၯ လဿနဟံဢ္ဖီခိဢ္ဒီး ဟီဢ္ဘဢ္ တဿ္လဿ ယဂီဿ္တက့ဿ္. မၯလိာ္၀ဲဒ္န႔ဢ္၀ံၯဒီး ဒိးထီဢ္ကဘီဒီး က့ၯကဒါက့ၯဆူ အထံအကီဿ္အဟံဢ္အဃီ လီၯ.

တုၯစီၯတီလူး က့ၯတုၯအဟံဢ္န႔ဢ္‚ ပာ္ဖွိဢ္သ့ဢ္မုဢ္လဿ မ့ဢ္အူကအီဢ္၀ဲႏြံနံၯႏြံနၯအဂီဿ္၀ံၯ‚ ဒြဲဢ္ထီဢ္၀ဲဒီး တုၯအဒြဲဢ္ထီဢ္၀ဲ ပွဲၯထီဢ္ ႏြံသီတသီန႔ဢ္ အ၀ဲကစံဢ္ႏုာ္သံကြံာ္အသးလဿ အပူၯလီၯ. ဖဲစီၯတီလူးကတဲာ္ ကတီၯအသးဒ္အံၯအဖဿ မုဿ္ လဿနီဿ္ဒြဲဢ္အအိဢ္၀ဿ္ဘးခီန႔ဢ္ ထိဢ္တလ့ သ့ဢ္တဖဢ္ ပွ႔ၯထီဢ္လဿ နီဿ္ဒြဲဢ္အဟံဢ္ လဿတဿးဖီခိဢ္တုၯ နီဿ္ဒြဲဢ္အိဢ္တသ့တကဲလဿၯဘဢ္ ဒီးဃ့အခြဲးလဿအ၀ၯ ဒ္သိးအကက့ၯကဒါက့ၯဆူ အထံ အကီဿ္အဂီဿ္န႔ဢ္လီၯ. အ၀ၯဟ့ဢ္အခြဲးတဘ်ီဃီ ဒိးထီဢ္ကဘီ၀ံၯ တဘ်ိဢ္ဆူခိဒ္ တၯဟိမိဿ္ဃ့ဿ္အသိး တသီဘဢ္တသီ မုဿ္နၯတစံးမုဿ္ဆါတစံးလဿၯဘဢ္. တုၯအတုၯဒီး စီၯတီလူးတခီ ယူာ္ဃီၯအသးဆူ မ့ဢ္အူ ကဖးအပူၯ‚ နီဿ္ဒြဲဢ္စံဢ္ဖီဢ္စီၯတီလူးတဘ်ီဃီ လီၯတဲာ္ဆူ မ့ဢ္အူပူၯခံဂၯလဿာ္လီၯ. ပွၯထံဢ္ထြဲအခံ ဒီး ပွၯလူ သံကြံာ္မ့ဢ္အူ ဒီးလူဘဢ္ကဒီးလဿ ရ့ဢ္နီဢ္သိသတးဒီး မ့ဢ္အူကဲၯကပ်ီၯထီဢ္ဒိဢ္န႔ဿ္ဒံးအလီဿ္ ဆူတဿ္ဖီခိဢ္ဖး ထီညါ တုၯတဿ္မၯစဿၯက့ၯ ပွၯခံဂၯတသ့လဿၯဘဢ္ဒီး သံဃုာ္ဟါမဿ္ဃုာ္လဿ မ့ဢ္အူဖဢ္ဆါအက်ါ လီၯ.

မ့မ့ဿ္တဿ္လီဿ္ဖဲ စီၯတီလူး ဒီးနီဿ္ဒြဲဢ္ ဒြဲဢ္သံကြံာ္သးအလီဿ္န႔ဢ္ ဟဲမဲထီဢ္၀ဲလဿ ဆဿတထူဢ္ဒီး သဘ်ဳဢ္လဢ္ စြါထီဢ္လဿအလိၯလီၯ. ဒီးအဒ့အႀတဿ္အလဢ္အဖီ အိဢ္ဒဢ္လဿဆဿအလိၯလီၯ. တဿ္လဿဆဿန႔ဢ္ အထံအနိ အါ‚ အထံခုဢ္အမဲာ္ညါ အဆႈဢ္ထီဢ္သတးဒီး သဘ်ဳဢ္လဢ္စြါထီဢ္အလိၯ န႔ဿ္ဂံဿ္န႔ဿ္ဘါဒီး စဲဘူးတဿ္က်ဿၯ စ့ဿ္ကီးလီၯ. သတးဒီး ပွၯမၯအီဢ္သဘ်ဳဢ္လဿ ပွၯကညီက်ါ ကိးပူၯဒဲး သူဢ္လီၯဆဿ ဒီးသူဢ္ထီဢ္သဘ်ဳဢ္လဢ္ လဿအလိၯလီၯ.

(ဟံးန႔ဿ္အီၯလဿ လဲၯဆူညါ လါမ့ၯ ၂၀၁၁ နံဢ္အပူၯလီၯ)