တဿ္ကလီန႕ဢ္အပွ႕ၯဒိဢ္

လဿ- ဖုဂဿဿ္က်ဿၯ

ပနဿ္ဟူဘဢ္တဿ္ကတိၯလဿပမွံၯပပွဿ္သ့ဢ္တဖဢ္ကတိၯဒိကတိၯတဲာ္၀ဒီးတဲဲ၀ဲလဿတဿ္ကလီန႕ဢ္အပွ႕ၯဒိဢ္လီၯ.ပွၯသးပွဿ္အတဿ္ကတိၯဒိအံၯကမ့ဿ္စဲဃဲးအ၀ဲသ့ဢ္လဲခီဖ်ိဘဢ္တ့ဿ္၀ဲလဿအတဿ္အိဢ္မူအပူၯဒီးတဿ္မၯနီဿ္ကီဿ္အသးလဿတဿ္ကလီန႕ဢ္အလုဿ္အပွ႔ၯဒိဢ္က့ၯလဿခံဒီးတူဿ္ဘဢ္ခီဢ္ဘဢ္က့ၯ၀ဲအဃိကတိၯဒိကတိၯတဲာ္ယုၯက့ၯအဖိအလံၯလဿခံံတဖဢ္ဒ္သိးကပလီဿ္အသး ဒီးသုတသးလီလဿၯတဿ္ကလီတဖဢ္တဂ႔ၯဒီးမ့မ့ဿ္တခီကအိဢ္ဒီးတဿ္ပလီဿ္ပဒီသးလဿ တဿ္ကလီတ ဖဢ္ အ ဖီ ခိဢ္ န႕ဢ္လီၯ.

            ဒီပုဿ္၀ဲဿ္ပွၯဖးလံာ္ဖိခဲလဿာ္သ့ဢ္သုဧဿဆဿကတီဿ္ခဲအံၯလဿပယီၯပဒိဢ္အတဿ္ကြဲဃီၯကိးဃီၯ၀ဲကလုာ္ဒူဢ္ပဿဿ္ဆဿ တဿ္ခိဢ္နဿ္တဖဢ္လဿတဿ္ကပတုာ္တဿ္ခးဒီးဂဲၯ စံးဂဲၯကတိၯသကိးတဿ္လဿတဿ္ကသူဢ္ထီဢ္္တဿ္မုာ္တဿ္ခုဢ္ဘဢ္ အဖဿန႕ဢ္ လီၯ.တကပၯတခီပယီၯပဒိဢ္တတုဿ္လိာ္၀ဲကလုာ္ဒူဢ္တဖဢ္အတဿ္လိာ္ဘဢ္သးလီလဿကအိဢ္ဘဢ္ဒီးနီဿ္ကစဿ္တဿ္စံဢ္ညီဢ္ ပဿလီၯ သးခြဲးယာ္ဒီးသူဢ္ထီဢ္ကီဿ္စဿဖွိဢ္အမ့ဿ္အတီ ( Federal)ကီဿ္စဿဖွိဢ္ဘဢ္.ပယီၯ ပဒိဢ္ဒီးအသုးတဖဢ္တခီ အသးအိဢ္ ဒဢ္လဿ ကလုာ္ဒူဢ္ပဿဿ္ဆဿတဿ္ခဲလဿာ္န႕ဢ္ ကဘဢ္ပတုာ္ကြံာ္တဿ္ခးဒီး ႏုာ္လီၯအိဢ္လဿ အ၀ဲသ့ဢ္ အတဿ္ပဿဆွဿ အဖီ လာ္လိၯလိၯဒီးကလုာ္ဒူဢ္အသုးဖီဢ္စုက၀ဲၯတဖဢ္ကဘဢ္ကဲထီဢ္က့ၯကမ်ဿဿ္အသုး(ျပည္သူ႕စစ္) ဒီးအိဢ္က့ၯလဿပယီၯ သုး အ တဿ္တီ ခိဢ္ ရိၯ မဲအဖီလာ္လိၯလိၯန႕ဢ္လီၯ.

                   အဃိပယီၯပဒိဢ္အသုးတဖဢ္ဒ္သိးကလုာ္ဒူဢ္တဖဢ္ကတူဿ္လိာ္အတဿ္ရဲဢ္တဿ္က်ဲၯအဂီဿ္က်ဲးစဿးမၯလီၯအဲဢ္ အသး  ဒီး ကြဲန႕ဢ္လြဲန႕ဢ္၀ဲကလုာ္ဒူဢ္ပဿဿ္ ဆဿတဿ္ဖီဢ္စုက၀ဲၯခိဢ္နဿ္တဖဢ္ လဿက်ဲအဘိဘိဒ္သိးကတူဿ္လိာ္ အတဿ္ ဘဢ္သးဒီးအတဿ္ရဲဢ္တဿ္က်ဲၯအဂီဿ္န႕ဢ္လီၯ.တကတီဿ္ဃီဒ္သိးထံဖိကီဿ္ဖိဒူဖိသ၀ီဖိတဖဢ္အသးသုတအိဢ္လဿၯအတဿ္ကရဿကရိတဂ့ၯဒီးသုတဆီဢ္ထြဲလဿၯအတဿ္ကရဿကရိဒီးခိဢ္နဿ္တဂ့ၯအဂီဿ္ ႏုာ္လီၯ၀ဲဆူကမ်ဿဿ္ဒူဖိသ၀ီဖိအက်ါဒီး မၯ စဿၯ ၀ဲ တစဲးတမွဲးဒီး မၯလီၯ အဲဢ္ အသးလဿကမ်ဿဿ္ဒူဖိသ၀ီဖိ၀ံၯကတိၯအဿ၀ဲ ကလုာ္ဒူဢ္ပဿဿ္ဆဿ တဿ္ဖီဢ္စုက၀ဲၯခိဢ္နဿ္ တ ဖဢ္ အကလုာ္ ကလုာ္ဒ္သိး ကမ်ဿဿ္ဒူဖိသ၀ီဖိတဖဢ္ကထံဢ္ကမဢ္က့ၯ အခိဢ္အနဿ္အတဿ္ ကရဿကရိဒီး သုတနဿ္ ပဿဿ္ ဆီဢ္ ထြဲ လဿၯ၀ဲတဂ့ၯအဂီဿ္န႕ဢ္လီၯ.

                 အတဿ္ႏုာ္လီၯဆူကမ်ဿဿ္ဒူဖိသ၀ီဖိအက်ါန႕ဢ္ ႏုာ္လီၯ၀ဲလဿက်ဲအဘိဘိ အက့ဿ္အဂီၯအ ကလုာ္ကလုာ္ဒ္ အမ့ဿ္ပယီၯပဒိဢ္မပွၯမၯတဿ္ဖိ ပယီၯသုးတဖဢ္ဒီး ပွၯဂ့ဿ္၀ီ၊ တဿ္ဘူဢ္တဿ္ဘါအ ပွၯမၯတဿ္ဖိ တဖဢ္န႕ဢ္လီၯ.ပွၯ တ ဖဢ္ အံၯခဲလဿာ္န႕ဢ္တဿ္စွီၯတံဿ္ဃဢ္အခိဢ္သ့ဢ္မ့ဿ္တပူၯဃီလဿပယီၯပဒိဢ္န႕ဢ္လီၯ. ပွၯတဖဢ္အံၯဟဲ လဿပသိးပက်ါဒီး ဟ့ဢ္ ပွၯ တဿ္မုဿ္လဿ္အါမးလဿ ကမၯစဿၯကလီပွၯ တဿ္ကူဢ္ဘဢ္ကူဢ္သ့ ၊တဿ္အိဢ္ဆူဢ္အိဢ္ခ့် အတဿ္လိာ္ဘဢ္ တဖဢ္ အမဲာ္္ညါ ဟ့ဢ္ပွၯတဿ္မုဿ္လဿ္လဿပမ့ဿ္အဲဢ္ဒိးမၯတဿ္ဂုၯထီဢ္ပသီထီဢ္ ဘဢ္ဃးတဿ္ လုဿ္အီဢ္နီဿ္ခိ သးသမူအ တဿ္ရဲဢ္တဿ္က်ဲၯန႕ဢ္ က မၯစဿၯကလီပွၯဘဢ္ဃးစ့မိဿ္ပွဿ္လဿအလိဢ္တဖဢ္ဒီး တဲ၀ဲလဿကမၯန႕ဢ္ပွၯမ့ဢ္အူ၊ ထံ အတဿ္္ရဲဢ္ တဿ္ က်ဲၯ န႕ဢ္ လီၯ. ဒီးဟ့ဢ္စ့ဿ္ကီးပွၯတဿ္မုဿ္လဿ္လဿကသူဢ္ထီဢ္န႕ဢ္ပွၯ စ့မိဿ္ပွဿ္လဿတဿ္သူဢ္တဿ္ဖ်း တဿ္ဘုဢ္ တဿ္ဖီဢ္ အဂီဿ္ က လီ က လီ န႕ဢ္ လီၯ.

                  လဿခဲခဲအံၯအဆဿကတီဿ္တခီမၯစဿၯပွၯကသံဢ္တစဲးတမွဲးလဿဒူပူၯသ၀ီပူၯ မၯစဿၯကႜိပီးလီ တစဲးတမွဲးဟး ကြဿ္ပွၯဆါ ဆဲးန႕ဢ္၀ဲကသံဢ္ ဒုးအီ၀ဲကသံဢ္စွၯဂၯလဿတဃ့၀ဲအပွ႕ၯဘဢ္ဒီးမၯစဿၯက လီ၀ဲဒဢ္န႕ဢ္လီၯ.အတဿ္မၯ ခဲ လဿာ္ န႕ဢ္မ့မ့ဿ္ခဲအံၯမၯစဿၯကလီ၀ဲဒီးတမ့ဿစ့ဿ္ကီးတဿ္လဿအကဿပွ႕ၯကဿကလံၯဘဢ္ဒီးအတဿ္မၯခဲလဿာ္န႕ဢ္အိဢ္ဒီးတဿ္တိဿ္တဿ္ပညိဢ္လဿကကြဲန႕ဢ္၀ဲဒူဖိသ၀ီဖိကမ်ဿဿ္တဖဢ္ဒ္သိးသုတဆီဢ္ထြဲလဿၯအတဿ္ကရဿကရိအခိဢ္အနဿ္တဂ့ၯဒီးမုဿ္တနံၯကပဢ္ထြဲဆူအ၀ဲသ့ဢ္အိဢ္ခဲလဿာ္ဒီးကတဿၯကြံာ္အတဿ္ပဿဿ္ဆဿ၊ ကတဿၯကြံာ္အတဿ္လိာ္ ဘဢ္သးလီ လဿနီဿ္ ကစဿ္ အ တဿ္ စံဢ္ညီဢ္ပဿလီၯသးခြဲးယာ္ဒီး ဒံဢ္မိဢ္ကရ့ဢ္စံဢ္ တဿ္ခြဲးတဿ္ယာ္ တီၯပတီဿ္တုၯသိးထဲသိးတဖဢ္န႕ဢ္လီၯ.  

           

                 အဃိဒ္ပယီၯတဖဢ္အတဿ္ကတိၯအိဢ္ပာ္စ့ဿ္ကီးလဿ (ေထာင္ျမင္ရာစြန္႕)လဿမ့ဿ္ ထံဢ္တဿ္ကဲဘ်ဴး လဿအ ဂီဿ္လဿ အကထိန႕ဢ္တဿၯကြံာ္၀ဲတဿ္အကယၯအသိး  ခဲအံၯအ၀ဲသ့ဢ္ထံဢ္စိ၀ဲလဿ မ့ဿ္တူဿ္လဿာ္ကလီ၀ဲ တဿ္တဆံး တက့ဿ္ ကဒိးန႕ဢ္ဘဢ္၀ဲတဿ္အဘ်ဴးအဖွိဢ္ဖးဒိဢ္လဿတဿ္ထိဢ္သၾတီၯ အလုဿ္အပွ႕ၯတသ့ဘဢ္ လဿအမ့ဿ္ကလုာ္ဒူဢ္တဖဢ္ က တဿၯ ကြံြာ္အတဿ္ လိဢ္ဘဢ္တဖဢ္လဿ အမ့ဿ္နီဿ္ကစဿ္ တဿ္စံဢ္ညီဢ္ပဿလီၯသးခြဲးယာ္ တဿ္တီၯပတီဿ္တုၯသိးထဲသိးတဖဢ္အဃိ အ၀ဲသ့ဢ္တူဿ္လဿာ္ တဿ္တဆံးတက့ဿ္ကဲ၀ဲဒဢ္န႕ဢ္လီၯ. အါန႕ဢ္အန႕ဿ္ကလုာ္ဒူဢ္တဖဢ္ မ့ဿ္တဿၯကြံာ္လံနီဿ္ကစဿ္ တဿ္စံဢ္ညီဢ္ပဿလီၯသးခြဲးယာ္ ၊ဒံဢ္မိဢ္ကရ့ဢ္စံဢ္ တဿ္ခြဲးတဿ္ယာ္တဿ္တီၯပတီဿ္တုၯသိးထဲသိးတဖဢ္ဒီး ႏုာ္လီၯဆူ အ၀ဲသ့ဢ္အတဿ္ပဿတဿ္ဆွဿတဿ္တီခိဢ္ရိဢ္မဲအဖီလာ္လဿာ္လဿာ္စီစီလံန႕ဢ္အ၀ဲကမၯန႕ဢ္ဃုာ္တဿ္ထူးတဿ္တီၯတဿ္အိဢ္ယဿၯတဖဢ္လဿ အိဢ္လဿကလုာ္ဒူဢ္ဟီဢ္က၀ီၯပူၯတဖဢ္ခဲလဿာ္လဿပထိဢ္သၾတီၯအတဿ္ကဿပွ႕ၯကဿကလံၯတသ့ဘဢ္န႕ဢ္လီၯ.

                

                   အဃိပွၯဖးလံာ္ဖိခဲလဿာ္သ့ဢ္ဧဿ မ္သုတနာ္ညီတဿ္ဒီး တူဿ္လိာ္ညီ တဿ္ကလီတဂ့ၯ၊ ပမ့ဿ္တူဿ္လိာ္ ညီ တဿ္ ကလီတဖဢ္ဒီး နာ္ညီတဿ္န႕ဢ္ တဿ္ကလီလဿပတူဿ္လိာ္ညီအီၯအံၯ မၯဘဢ္ဒိကဒါက့ၯပတဿ္ခြဲးတဿ္ ယာ္လဿ ပၾကဿး ဒိးန႕ဢ္ဘဢ္အီၯလဿပထိဢ္သၾတီၯအလုဿ္အပွ႕ၯဒီးတဿ္အဂၯတသ့ဘဢ္လဿအမ့ဿ္ ပနီဿ္ကစဿ္တဿ္စံဢ္ညီဢ္ပဿလီၯသး ခြဲးယာ္ လဿပနီဿ္ကစဿ္ထံလီဿ္ကီဿ္ပူၯဒီး ဒံဢ္မိဢ္ကရ့ဢ္စံဢ္တဿ္ခြဲးတဿ္ယာ္ တဿ္တီၯပတီဿ္တုၯသိးထဲသိးတဖဢ္န႕ဢ္ လီၯ. မ္ပ သု တ တီလဲ ပတဿ္ခြဲးတဿ္ယာ္တဿ္လုဿ္ဒိဢ္ပွ႕ၯဒိဢ္တဖဢ္အံၯဒီး တဿ္ကလီဖိတဆံးတက့ဿ္ တဖဢ္အံၯတဂ့ၯန႕ဢ္တဿ္ ဒုးသ့ဢ္နီဢ္ ဒုးပလီဿ္လိာ္သးန႕ဢ္လီၯ.အါန႕ဢ္အန႕ဿ္ တဿ္ကလီလဿပယီၯပဒိဢ္အသုးဒီး အပွၯတဖဢ္ကဟဲဟ့ဢ္ပွၯန႕ဢ္ အ၀ဲသ့ဢ္မၯန႕ဢ္ ကလီဒဢ္၀ဲလဿ ပွၯထံဂၯကီဿ္ဂၯအအိဢ္၀ံၯကတူဿ္လဿာ္ကလီကဒီး၀ဲတဆီလဿကမၯန႕ဢ္ဘဢ္တဿ္ခြဲးတဿ္ယာ္ တဿ္လုဿ္ဒိဢ္ ပွ႕ၯဒိဢ္တဖဢ္လဿ ကလုာ္ဒူဢ္တဖဢ္အအိဢ္အဂီဿ္န႕ဢ္လီၯ.

                     ဒီပုဿ္၀ဲဿ္ပွၯဖးတဿ္ဖိခဲလဿာ္သ့ဢ္သုဧဿ ပဟဲအိဢ္ဖ်ဲဢ္ထီဢ္အိဢ္ဒီးနီဿ္ခိက့ဿ္ဂီၯလဿလဿပွဲၯပွဲၯ ဒ္သိးဒီးပွၯက လုာ္အဂၯခဲလဿာ္ အသိးကိးဂၯဒဲးလီီၯ. အဃိပသးမ့ဿ္အိဢ္မၯတဿ္္န႕ဢ္ပမၯ တဿ္သ့ဒ္ပွၯဂၯအသိးလီၯ. အလီဿ္အိဢ္လဿ ပက ဘဢ္ဂုာ္က်ဲးစဿးမၯတဿ္ဆူဢ္ဆူဢ္လဿပနီဿ္ကစဿ္ဒဢ္ပ၀ဲကိးဂၯလီၯ.ပမ့ဿ္မၯတဿ္ဆူဢ္ဆူဢ္လဿပနီဿ္ကစဿ္ကိးဂၯဒဲးန႕ဢ္ ဒ္ ပွၯ ဂၯဒိးန႕ဢ္ဘဢ္တဿ္ဘ်ဴးတဿ္ဖွိဢ္အသိး ပဒိးန႕ဢ္သ့စ့ဿ္ကီးအဃိ အလီဿ္တအိဢ္လဿ ပကဘဢ္မုဿ္လဿ္တဿ္ကလီလဿ ပွၯဂၯအအိဢ္ဒီး ခုတဿ္ဘ်ဴးဘဢ္ ပမ့ဿ္တခုဖံးခုမၯတဿ္လဿပကစဿ္ဘဢ္ဒီး ခုတဿ္ဘ်ဴးမုဿ္လဿ္တဿ္ကလီ လဿပွၯဂၯအအိဢ္ န႕ဢ္တဿ္ကလီအံၯအလုဿ္အပွ႕ၯကဒိဢ္ ဘဢ္ဖုးပဿဿ္တုၯလဿပဘဢ္လိးက့ၯအီၯ ဟ့ဢ္လီၯကြံာ္ဃုာ္ပတဿ္ခြဲးတဿ္ ယာ္ လုဿ္ ဒိဢ္ ပွ႕ၯဒိဢ္လဿတဿ္ယဿၯထီဢ္တ့ဿ္အီၯလဿအဖီခိဢ္တဖဢ္ဒီး ပပွၯဒီတကလုာ္ ကဘဢ္အိဢ္ဒီယုဿ္ဘဢ္ဖုးလဿ ကလုာ္ဂၯတဿ္ပဿ ဆူဢ္ပဿစိးအဖီလာ္ တပယုာ္ဃီဘဢ္ဖုးန႕ဢ္လီၯ. 

                   အဃိဒီပုဿ္၀ဲဿ္ပွၯဖးတဿ္ဖိခဲလဿာ္သ့ဢ္သုဧဿ မ္ပကအိဢ္သကိးလဿ တဿ္ပလီဿ္ပဒီဒီးသု တတူဿ္ လိာ္ နါစိၯ တဿ္ကလီတဖဢ္တဂ့ၯဒီး ပကဆဿထဿဢ္ဂဿဿ္က်ဿၯသကိးလဿ ပတဿ္ပဿဿ္ဆဿတဿ္ကရဿကရိ အပူၯဂဿဿ္ဂဿဿ္က်ဿၯက်ဿၯ ပဿဿ္တုၯလဿပပွၯကလုာ္ ဒိးန႕ဢ္ဘဢ္က့ၯ နီဿ္ကစဿ္တဿ္စံဢ္ညီဢ္ပဿလီၯသး ခြဲးယာ္လဿပနီဿ္ကစဿ္ထံလီဿ္ကီဿ္ပူၯဒီး ဒံဢ္မိဢ္ကရ့ဢ္စံဢ္တဿ္ခြဲးတဿ္ယာ္ တဿ္တီၯပတီဿ္တုၯသိးထဲသိး တဖဢ္တစုတက့ဿ္.

http://luthaw2012.blogspot.se/2012/10/blog-post_6801.html